Цитата дня

Сидел бес в образе человека и болтал ногами. Видев­ший это духовными очами спросил его: «Что же ты ничего не делаешь?» — Бес отвечал: «Да мне ничего не остается делать, как только ногами болтать — люди все делают лучше меня» (преп. Амвросий)

oshibki.jpg

Тропарь, кондак и молитва Васильевским Новомученикам

Тропарь, глас 1

Сродницы наши преславнии, кровьми своими землю нашу освятившии, и ярость безбожников угасившии, священнейший Сергие со мужемудренными Прохором и Кириллом! Вознесите моления ваша ко Престолу Владыки Христа, да избавит от напастей верныя люди своя, да пробавит щедрыя милости всем, чтущим любовию святую память вашу.

 Кондак,  глас 3

Возбранному Воеводе Христу добре послужившии, и одежду поруганий якоже царcкую порфиру приемшии, новии мученицы земли нашея, Сергие священный и Прохоре со Кириллом мужественнии! Молите присно Владыку Христа, да утвердит веру Правую в земли нашей, всех же верных от напастей и искушений оградит, да зовем радостно: радуйтеся, Сергие, Прохоре и Кирилле, блаженнии страстотерпцы и молитвенницы за род наш!

Молитва Новомученикам Васильевским

О, святии страстотерпцы, и новии мученицы Васильевстии: священно-мучениче Сергие со мученики Прохором и Кириллом!
К вам, по Бозе и Богородице, прибегаем, яко сродником нашим, и вашего предстательства испрашиваем о нас, недостойных чадах ваших. Вемы бо, яко не имамы дерзновения возносити ко Господу молитвы наши, ниже возмогаем возвести очеса наша горе, за множество грехов и беззаконий наших. Тем убо к вам прибегаем, яко много может молитва ваша к Богу.
Вознесите убо ко Господу моления ваши дерзновеннии, о еже утолити злыя веяния безбожия и ересей, уврачевати расколы церковнии, людем же всем единомыслие и любовь сердечную даровати. Молим Вас: услышите всякого человека, помощи вашея требующего, исходатайствуйте всем прощение грехов и спасение души.
Да вси, утвержденнии в вере, и добрую ревность по Бозе имущии, избавятся вечнаго мучения, но присно славят Всесвятаго Бога, даровавшего нам таковых молитвенников, и ваше исповедают предстательство ныне и в безконечнии веки. Аминь.

источник: Васильевская Голгофа, Издательство Николаевской епархии.  Типография ЧП Гудым И.А.

Блаженнейший Митрополит Киевский и всея Украины

Наша газета

gazeta

Поиск

Вход

Обозреватель...

obozrevatel

Богословские тесты.

testi